منتدى شعر وشعراء

منتدى شعر وشعراء

[/i]وش وقع مشيك بحامي القيظ يا رجلي 000 ليـا عـاد انـا منـتـوي والــدرب قـدامـي
ليا دام انـا عـن مديـد الصبـح معتجلـي 000 عــدوي الـلـي يشـيـر الـيـوم بمـقـامـي
والله لادرج مـا زول الرجـل تـدرج لـي 000 مـا زول باقـي الجهـد والمـخ بعظامـي
دار جفاها الغضـي عـن قربهـا لاجلـي 000 واسكـن بـدار سكنـهـا الـتـرف قـدامـي
ابــو عـيـون وســاع ولونـهـن نـجـلـي 000 حـجـل الاومـانـي لـيـا مــدوه عـزامــي
والله مـا تلحـق جزايـه لـو تحجـج لــي 000 يـا معـزل الوسـط يـا قــواد الاروامــي وهذاحدى قصائده الرائعة


هـذا القليـب اللـي وردنـاه يــا حـمـود000وهـــذاك مـنـزلـنـا ومــنــزل عـربـنــا
وهـذا السمـاد و ماقـد النـار مـوجـود000وهـــذاك مـنــزل بيـتـنـا يـــوم يـبـنــى
قــدام بـيــض أيـامـنـا تنـقـلـب ســـود000قــبــل خـبـيـثـات الـسـنـيـن تـحـربـنــا
يـا مسنـدي مـا ينفـع اللـوم يـا حمـود000عـلـى السنـيـن الماضـيـة لــو عتبـنـا
والله يــا لــولا هـلـة الـدمــع مـنـقـود000لاشـكـي زمــانٍ طـيـب وقـتـه عقـبـنـا
وقت تخبـره يـوم أنـا وأنـت يـا حمـود000يـا مــا ضحكـنـا بــه ويــا مــا طربـنـا
يـوم الغنـم تسـرح بهـا نـوف وعنـود000مستانـسـيـن مـــع طـــوارف عـربـنـا
مكيـفـيـن بـونـسـة مـــا لـهــا حـــدود000لايـــام تــالــي وقـتـنــا مــــا حـسـبـنـا
كـم جـادل يـوم العـرب صــدر وورود000تـشــر لـنــا يـــم الــوعــد و تـهـزبـنـا
وياما وردنا صبح الأمطـار يـا حمـود000ويـامـا مليـنـا مــن الخـبـاري قـربـنـا
بالصيف مع صفقات عمري ومحمود000نشـره نجيـب الكسـب لـو مــا كسبـنـا
واليـوم مـا يسـرح لهـم ناعـم الـعـود000وش عـاد لـو نرقـى الـرجـوم وتعبـنـا
رعيانـهـم صــاروا بكسـتـان وهـنـود000قــلـــب عـلـيـنــا وقـتــنــا وانـقـلـبـنــا
الشـيـب مــا يحـتـاج تثبـيـت وشـهـود000يـا حمـود عـقـب شـبـة العـمـر شبـنـا
(مـن كمـل الستيـن لا يـرجـي الــزود000غيـر السجـود , وقـول يــا رب تبـنـا)

انت ياللي منزلك من ورى حدب الضلوع

لا تحسب القلب بالبعـد يقنـع يابعـدي

والله انك يالغلا أصـل والباقـي فـروع

روايٍ من عرق قلبـي ومهديـك جهـدي

سقتلك ذود المشاعر وجن عندك خضوع

لمرك القلب الهـواوي يطيـع ويقتـدي

وعن وصالك ماتزعزع ولو دونك جموع

ما حسبـت حسابهـا دام ثبـت وتـدي

والصبر معروف ضدٍ من اضداد الدمـوع

لاكن اني صابر ومحجـر عيونـي نـدي

أتعـزم يـا وليفـي ولـو مالـي دروع

ولادخلت المعركة سيفـي يخلـي يـدي

حالتي هذي معك بين غيبـات ورجـوع

والله يعين المولع علـى الحـظ الـردي

فضها سيره وعود على القلـب القنـوع

لا تحسسني ((بدونٍ)) وانا وسـط بلـدي

السهر في عتمت الليل تنعشـه الشمـوع

وانت تنعش عتمت العين لو زاد رمـدي

ولو يمر بشاشة العين من شكـلٍ ونـوع

مرة مـرور الكـرام مالقطهـا مرصـدي

أفهم اللي جـاك منـي وركـز لا تفـوع

فوعة اللي لا انطلق هام من فوق الجدي

والبناء مايهدمه غير طعنـات الصـدوع

ولو ترمم فيه عـاش لكـن يسمـى ردي

وحجة الصايم الى من شكى من زود جوع

ماعتقد يقنعبهـا شيـخ فاهـم مهتـدي

و بالختام عيونك النجل ارفعهـا طلـوع

لا اول ابيات القصيـدة تمعـن مقصـدي